Labels

Saturday, January 28, 2012

25. தேர்வை எதிர் கொள்ள தெளிவான உத்திகள், Objective Qs


1.   ’பன்முகத் தெரிவு’ வினாவை உருவாக்குவது எப்படி?

கேள்வியிலேயே குறிப்பிட்ட பொருளை நோக்கி கொண்டு செல்லும் கேள்விக்கு ’குறிக்கோளுடன் கூடிய கேள்விகள்’ (objective questions) என்று பெயர். அவற்றுள் ’பன்முகத் தெரிவு’ வினா’ (multiple choice question MCQ ) என்பது ஒரு வகை, நான்கு மாற்று விடைகளில் மிகவும் சரியான விடையை தேர்ந்து எடுப்பது.

இந்த  வினாவை உருவாக்குவது எப்படி? முதலில் மாணவர்களுக்கு ’கோடிட்ட இடத்தை நிரப்புக’ என்று கேள்விகள் கொடுக்கப் படும். அதிலிருந்து சரியான விடை தவிர மிகவும் அதிகமான தடவைகளில் வந்துள்ள தவறான பதில்கள்தான் மாற்று விடைகளாக பயன் படுத்தப் படுகிறது. இதில் மாணவர்கள் எப்படிச் சிந்திப்பார்களோ அதே பாணியில் விடைகள் அமைந்திருப்பதால, அவர்கள் சரியென்று நினைத்து எதிர்பார்க்கும் தவறான விடைகளும் அங்கே இருக்கும். ஆதலால் பரீட்சை முடிந்தவுடன் எல்லா மாணவர்களும் மகிழ்ச்சியாய் இருப்பர், முடிவுகள் தெரியும் வரை!

எதிர்பார்க்கும் விடைகளைக் கண்டு ஏமாற வேண்டாம். விடையைத் தேர்ந்தெடுக்கும் முன் எல்லா மாற்று விடைகளையும் படித்துப் பார்க்கவும் ஏனென்றால் நீங்கள் முதலில் தேர்ந்தெடுத்த விடையை விட மிகச் சரியான விடை வேறொன்று இருக்கலாம். 

அதனால் தான் . . . .  மேலே தடிமனான எழுத்துக்களில் கொடுக்கப்பட்டிருக்கும் வார்த்தையைப் படிக்கவும்





Saturday, January 21, 2012

24. 72, 115 எனும் விதிகள், Rule of 72, 115



வட்டி விகிதம் X வருடங்கள் = 72

அதாவது வட்டி விகிதம் 9% என்றால் உங்கள் வைப்பு நிதி 8 வருடங்களில் இரட்டிப்பாக ஆகும். 12% வட்டி விகிதம் என்றால் 6 வருடங்களில் இரட்டிப்பாகும். 9 X 8 = 72 ; 12 X 6 = 72

இதே போல் வட்டி விகிதம் X வருடங்கள் = 115 என்றால் உங்கள் வைப்பு நிதி 11.5% என்ற வட்டி விகிதத்தில் 10 வருடங்களில் மூன்று மடங்காகும்.
11.5 X 10 + 115

இது ஒரு பொதுவான விதி. கூட்டு வட்டியாகக் கணக்கிட்டால் இன்னும் குறைந்த காலத்தில் பெருகி விடும்

உங்களிடம் யாராவது பணத்தை 2 வருடத்தில் இரட்டிப்பாக்கித் தருகிறேன் என்று சொன்னால், 72/2 = 36% வட்டி என்று அர்த்தம். உங்களுக்கு இந்த வட்டியும் கொடுத்து, மேற்கொண்டு சம்பாதிப்பதும் அவரால் முடியாத காரியம்!

செய்தக்க அல்ல செயக்கெடும் செய்தக்க
செய்யாமை யானும் கெடும்.

ஒருவன் செய்யத்தகாத செயல்களைச் செய்வதனால் கெடுவான். செய்யத்தக்க செயல்களை உடனே செய்யாமல் விடுவதனாலும் கெடுவான்.

                                                                                                                  பணம் வளரட்டும்


Friday, January 13, 2012

23. முதலீட்டு வியூகம்: (100 – வயது). Equities n Age

முதலீட்டு வியூகம்: 100 – வயது

ஷேர்கள் போன்ற ஸ்பெகுலேஷன் வகைகளில் முதலீடு செய்யும்போது வயது ஏற ஏற ரிஸ்க்கைக் குறைக்க வேண்டும்.

நீண்ட கால முதலீட்டிற்கு (A Group) ஷேர்களே ஏற்றவை. நட்டங்கள் வந்தாலும் அதிலிருந்து மீண்டு வர கால இடைவெளி இருக்கிறது.

உங்கள் முதலீட்டில் ஷேர்கள் இருக்க வேண்டிய சதவீதம் = 100 - உங்கள் வயது

தேடாதழிக்கிற் பாடாய் முடியும்.

தேடாது அழிக்கிற் பாடாய் முடியும்!

செல்வத்தைப் பெருக்காமல், இருப்பதைச் செலவு செய்தால், பின்பு துன்பமாய் முடியும்.



Saturday, January 7, 2012

22. நிதி நிர்வாகம் 3


Other blogs of mine.

http://america-for-indian-malaysian-visitors.blogspot.com
http://examtechniques.blogspot.com
http://indiacoincollections.blogspot.com
http://chennai.sancharnet.in/kkd_spvr

சேமிப்பு வியூகம்: 70-20-10 எனும் விதி

வருமானம் எவ்வளவாக இருந்தாலும், குறுகியகால சேமிப்பாக இருந்தாலும் அல்லது நீண்டகால சேமிப்பாக இருந்தாலும், இந்த விதி உபயோகமாக இருக்கும்.

வருமானத்தில் 
அதிக பட்சம் 70 சதவீதம் வாடகை, சாப்பாடு, சேவைக் கட்டணங்கள் ஆகியவற்றிற்கும்

குறைந்த பட்சம் 20 சதவீதம் சேமிப்பாகவும்

அதிக பட்சம் 10 சதவீதம் மற்ற கடன்களை அடைப்பதற்கும் பயன் படுத்த வேண்டும்

வீட்டுக் கடனைத் திரும்பச் செலுத்துவது பகுதி சேமிப்பிற்கும்/   பகுதி அன்றாடச் செலவுக்கும் ஒப்பானது. ஏனென்றால் உங்களுக்கு    வாடகை மிச்சம் அல்லது வாடகை வருமானம் வரும்.

                                                                                                                    பணம் வளரட்டும்